- ኮሌራ ምንድን ነው?
ኮሌራ በአይነምድር እና ትውከት ውስጥ በሚገኙ በአይን በማይታዩ ተህዋሲያን አማካኝነት የሚመጣ ሲሆን ፤ በሰውነት ውስጥ የሚገኘውን ፈሳሽ
- ኮሌራ ምንድን ነው?
ኮሌራ በአይነምድር እና ትውከት ውስጥ በሚገኙ በአይን በማይታዩ ተህዋሲያን አማካኝነት የሚመጣ ሲሆን ፤ በሰውነት ውስጥ የሚገኘውን ፈሳሽ አሟጦ በማስወጣት አቅምን የሚያዳክም በሽታ ነው፡፡ አፋጣኝ ሕክምና ካልተደረገ በጥቂት ሰዓታት ውስጥ ለሞት ሊዳርግ ይችላል፡፡
- ለኮሌራ አጋላጭ ሁኔታዎች፡-
- የተበከለ ውሃ
- የተበከለ ምግብ
- የግል እና የአካባቢ ንፅህና ጉድለት
- ሜዳ ላይ መፀዳዳት
- የመፀዳጃ ቤቶችን በአግባቡ አለመጠቀም/አለመኖር
- የኮሌራ በሽታ መተላለፊያ መንገዶች
- በበሽታ አምጪ ተህዋስያን የተበከለ የምንጭ፣ የጉድጓድ፣ የወንዝ፣ የዝናብ፣ የቧንቧ እና የሀይቅ ውሃን መጠቀም፣
- በበሽታ አምጪ ተህዋስያን የተበከለ የውሃ ማጠራቀሚያና መገልገያ እቃዎችን በአግባቡ ሳያፀዱ መጠቀም፣
- በአግባቡ ባልታጠበ እጅ ምግብን ማዘጋጀት፣ ማቅረብና መመገብ፣
- በበሽታው አምጪ ተህዋስያን የተበከለ ምግብ፣ አትክልቶችንና ፍራፍሬዎችን መመገብ፣
- ክዳን የሌላቸውና ለዝንቦች የተጋለጡ የምግብ ማስቀመጫና መመገቢያ እቃዎችን መጠቀም፣
- የኮሌራ ታማሚ ተቅማጥና ትውከትን በአግባቡ አለማስወገድ፣
- ከኮሌራ ታማሚ ጋር ንክኪ የነበራቸው ቁሳቁስ እና ተሸከርካሪዎችን በአግባቡ ሳይፀዱ መልሶ መጠቀም፣
- በኮሌራ ምከንያት ህይወቱ ያለፈ ሰው አስከሬን ጋር ንክኪ ማድረ
- የኮሌራ በሽታ መከላከያ መንገዶች
- ለመጠጥ የሚውል ውሃን አፍልቶ በማቀዝቀዝ ወይንም በውሃ ማከሚያዎች አክሞ መጠቀም፣
- ለቁሳቁስ ንፅህና መጠበቂያ የሚውል ውሃን አፍልቶ ወይንም በውሃ ማከሚያዎች አክሞ መጠቀም፣
- የውሃ ማጠራቀሚያ እቃዎችን ሁልጊዜ በታከመ ወይም በፈላ ውሃ ማጠብ እና መክደን፤
- ንጹህ የማብሰያ ዕቃዎች እና ሳህኖችን መጠቀም፣
- ምግብን በደንብ አብስሎ በትኩስነቱ መመገብ ፣
- ሳይበስሉ የሚበሉ አትክልትና ፍራፍሬዎችን በታከመ ውሃ ማጠብና ወዲያውኑ መመገብ፣
- የተረፉ ምግቦች በዝንቦች እንዳይበከል መክደን፣ በንፁህ ቦታ ማስቀመጥ እና ከመመገብ በፊት ማሞቅ/ማንተክተክ
- ለመብል የተዘጋጁ ምግቦችን ካልተዘጋጁ ምግቦች ለይቶ ማስቀመጥ፣
- በሚከተሉት ወሳኝ ጊዜያት እጅን በአግባቡ በሳሙና/አመድ እና በንፁህ ውሃ መታጠብ፡
- ምግብ ከማዘጋጀት በፊት
- ከመመገብ በፊት
- ለሕጻናት ጡት ከማጥባት ወይም ምግብ ከመመገብ በፊት
- ሕፃናት ካፀዳዱ በኋላ
- መጸዳጃ ቤት ከተጠቀሙ በኋላ
- በኮሌራ ለታመመ ሰው እንክብካቤ ከተደረገ በኋላ
- በኮሌራ ምክንያት ሕይወቱ ያለፈ ሰው አስክሬን ጋር ንክኪ ከተፈጠረ በኋላ
- መጸዳጃ ቤቶችን መጠቀም፣ በንጽህና መያዝ እና ከተጠቀሙ በኋላ መክደን
- የሕጻናትን ዓይነ ምድር መጸዳጃ ቤት ውስጥ መድፋት፣ ወይም ጠለቅ ያለ ጉድጓድ ቆፍሮ መቅበር
- የታማሚውን ተቅማጥ እና ትውከት በአግባቡ መቀበል፣ መጸዳጃ ቤት ውስጥ መድፋትና ከጨረሱ በኋላ እጅን በሳሙና እና በውሀ በደንብ መታጠብ
- ደረቅ እና ፈሳሽ ቆሻሻን በአግባቡ ማስወገድ
- የበሽታው ምልክቶች
- በድንገት የሚከሰት ብዛት ያለው አጣዳፊ ውሃ መሰል ተቅማጥ (የሩዝ ውሃ የሚመስል)
- በተደጋጋሚ ማስመለስ
- ኮሌራ ትኩሳት ወይንም የቁርጠት ህመም ላይኖረው ይችላል ፤ ይሁን እንጂ ቶሎ ህክምና ካላገኘን በሰውነታችን ያለው ፈሳሽ ተሟጦ ሰለሚያልቅ የአቅም ማነስ ፣ የቆዳ መሸብሽብ ፣ የአይን መሰረጎደ ፣ የአፍ መድረቅ ብሎም ሞት ያስከትላል፡፡
- በኮሌራ ህመም ወቅት ሊወሰዱ የሚገቡ እርምጃዎች
- ከምልክቶቹ አንዱ በታዬ ጊዜ ወደ ህክምና ተቋም እስክንደረስ ድረስ ቤት ውስጥ በሚገኘ ማንኛውንም ንጽህናው የተጠበቀ ፈሳሽ መውሰድ ያስፈልጋል
- ኦ.አር.ኤስ በቤት ውስጥ ከሌለ 6 የሻይ ማንኪያ ስኳር እና ግማሽ የሻይ ማንኪያ ጨው በአንድ ሊትር ንጹህ ውሃ በመበጥበጥ ባስቀመጥዎ ቁጥር ይጠጡ።
- ህይወት አድን ንጥረ ነገር ወይም ኦ.አር.ኤስ በቤት ውስጥ ካለ አንድ ፓኬት ተፈልቶ በቀዘቀዘ አንድ ሊትር ውሃ በመበጥበጥ ይጠጡ፤ ኦ.አር.ኤስን መጠቀም የሚቻለው በተበጠበጠ በ24 ሰዓት ውስጥ ብቻ ነው።
- ጡት የሚጠቡ ህፃናት በበሽታው ከተያዙ ጡት ማጥባትዎን ከወትሮው በመጨመር ይቀጥሉ፣
ለተጨማሪ መረጃ በነፃ የስልክ መስመር፡
É7794 ይደውሉ ፡፡
