ዛሬ 28/05/2016 ዓ.ም በሲዳማ ክልል ሕብረተሰብ ጤና ኢንስቲትዩት የጤና መረጃ አስተዳደር ቅመራና ትንተና ዳይሮክቶሬት በሀዋሳ ጤና ሳይንስ ኮሌጅ በጤና መረጃ ዘመቻና ትግበራ ላይ የተዘጋጀ አውደ ጥናት (Data campaign and implementation workshop) ተካሂዷል::የዕለቱን መክፈቻ ንግግር ያደረጉት የሲዳማ ክልል ሕብረተሰብ ጤና ኢንስቲትዩት ምክትል ዳይሬክተር አቶ ሙንጣሻ ብርሃኑ ናቸው፡፡
የሲዳማ ክልል ሕብረተሰብ ጤና ኢንስቲትዩት የጤና መረጃ አስተዳደር ቅመራና ትንተና ዳይሮክቶሬት ዳይሬክተር አቶ አሻግሬ በየነ እንደገለፁት የጤና መረጃ ማዕከል ማቋቋም የመረጃ አጠቃቀም ባህልን በማዳበር በጤና ዘርፍ የሚስተዋለውን የመረጃ ስራዓት ችግር ይፈታል በተለይም በመረጃ ማዕከሉ የጥናቶች ፣ሪፓርቶችና የተለያዩ የጤና መረጃዎችን በማከማቸት ለተለያዩ ስራዎች ማዋል እና መረጃዎችን እንደሃብት መጠቀም በመረጃ ጥራትና ወጥነት ላይ የበለጠ ስራ መስራት እንደሚገባም ገልፀዋል፡፡
