#የጥንቃቄ_መልዕክት_እና_አስተማሪ_የጤና_መረጃ፡ #ስለ_ኢቦላ_ቫይረስ_ማወቅ_ያለብን_መሰረታዊ_ነጥቦች!
የአለም ጤና ድርጅት እና የጤና ተቋማት በጎረቤት ሀገራት ዲሞክራቲክ ሪፓብሊክ ኮንጎ እና ኬንያ የኢቦላ ቫይረስ በሽታ መከሰቱን እና ስርጭቱን በቅርበት በመከታተል ላይ ይገኛሉ። በሽታው ወደ ሀገራችን እንዳይገባና በቫይረሱ እንዳንጠቃ ሁላችንም አስቀድመን መረጃ ሊኖረን እና ጥንቃቄ ልናደርግ ይገባል።
ኢቦላ ምንድን ነው?
ኢቦላ በቫይረስ አማካኝነት የሚመጣ፣ በፍጥነት ከሰው ወደ ሰው የሚተላለፍ እና በአጭር ጊዜ ውስጥ ለከፍተኛ ህመም እና ለሞት ሊዳርግ የሚችል ተላላፊ በሽታ ነው።
በሽታው እንዴት ይተላለፋል?
ቫይረሱ በዋናነት በሚከተሉት መንገዶች ይሰራጫል፦
• ቀጥተኛ ንክኪ፦ በበሽታው ከተያዘ ሰው የሰውነት ፈሳሽ (ደም፣ ምራቅ፣ ትውከት፣ ላብ፣ ሽንት እና አይነምድር) ጋር በቀጥታ መነካካት።
• የተበከሉ ቁሳቁሶች፦ ታማሚው የተጠቀመባቸውን አልባሳት፣ መርፌዎች፣ አንሶላዎች ወይም ስለታም ነገሮች በመንካት።
• እንስሳት፦ በበሽታው የተጠቁ እንደ የሌሊት ወፍ፣ ዝንጀሮ እና ጦጣ ያሉ የዱር እንስሳትን ወይም ስጋቸውን መነካካት እና መመገብ።
• አስከሬን መነካካት፦ በኢቦላ ህመም የሞተን ሰው አስከሬን ያለ መከላከያ ጓንት በቀጥታ መያዝ ወይም መነካካት።
የሚታዩ ዋና ዋና ምልክቶች
አንድ ሰው በቫይረሱ ከተያዘ በኋላ ምልክቶቹ ከ2 እስከ 21 ቀናት ባለው ጊዜ ውስጥ ሊታዩ ይችላሉ። ምልክቶቹም፦
• ድንገተኛ እና ከፍተኛ ትኩሳት
• ከፍተኛ የራስ ምታት፣ የጡንቻ እና የጉሮሮ ህመም
• ከፍተኛ የሰውነት ድካም
• ማስመለስ (ትውከት) እና ተቅማጥ
• በቆዳ ላይ ሽፍታ መውጣት
• በሽታው ሲበረታ፦ ከአይን፣ ከአፍንጫ፣ ከድድ ወይም ከሌሎች የሰውነት ክፍት ቦታዎች ደም መፍሰስ።
ህብረተሰቡ ማድረግ ያለበት ጥንቃቄ!
የኢቦላ ስርጭትን ለመከላከል እያንዳንዱ ሰው የሚከተሉትን ጥንቃቄዎች ማድረግ ይኖርበታል፦
ወሳኝ መልዕክት፦ ፈጣን እርምጃ ህይወትን ያድናል!
ከላይ የተጠቀሱት ምልክቶች (በተለይም ድንገተኛ ከፍተኛ ትኩሳት፣ ትውከት እና ደም መፍሰስ) የታየበት ማንኛውም ሰው፦
• 
በቤት ውስጥ ራሱን ለማከም በፍጹም መሞከር የለበትም።
• 
በፍጥነት እና ያለምንም መዘግየት በአቅራቢያው ወደሚገኝ የጤና ተቋም (ሆስፒታል ወይም ጤና ጣቢያ) በመሄድ ምርመራ ማድረግ እና ህክምና ማግኘት አለበት!
• ምልክቱ የታየበትን ሰው ወዲያውኑ ለጤና ባለሙያዎች ወይም ለአካባቢው የጤና ጽህፈት ቤት ሪፖርት ማድረግ ይገባል።
7794
ለተጨማሪ የጤና መረጃ፣ ጥቆማ እና ተዛማጅ ሁኔታዎች 7794 ነፃ የጥሪ ማዕከል አገልግሎትን ይጠቀሙ።
“ቅድመ ጥንቃቄ ለጤናችን ዋስትና ነው!” 
የሲዳማ ክልል የህብረተሰብ ጤና ኢንስቲትዩት
ጥቅምት 07/2019 ዓ/ም
ሀዋሳ
ለተጨማሪ የመረጃ አማራጮች
ይመልከቱ
ነፃ የስልክ መስመር፡ 7794
Web site: sphi.gov.et/emergency
Facebook: https://web.facebook.com/profile.php?id=100083576610173
Telegram: https://t.me/c/1865772308/1
Email:- admin@sphi.gov.et
See less
